مرت الايام .
نوف راحت الرياض عند اهلها،
ابوي قالي اروح اتغدى عند ماما موضي اليوم لانها بلحالها..
دخلت لقيتها قاعدة و فيه ممرضة و جمب الممرضة واحد رجال.
عرفت عقب ماناظرته زين انه عمي عبدالكريم
سلمت على جدتي
ماما موضي: "ماقلتيلي انكم جايين"
"ايه عقب ماراحت نوف قعدتي بلحالك قلت اجي اسليك"
ماما موضي: "اهلك جايين؟"
"لا بس انا اهلي تغدو خلاص"
ماما موضي: "ايه زين زين.." كانت متوترة تناظرني و تناظر عمي..
"يمه عادي اسلم عليه؟ ما شفته من كنت صغيرة.." وناظرت عمي.
ماما موضي: "تسلمين؟ ايه سلمي مايخالف هذا عمك.."
رحت له،
ماما موضي: "عبدالكريم هذي ريما بنت خالد"
"خالد.." قالها عمي كأنه ولد صغير و ابتسم..
حبيت راسه و قعدت جمب ماما موضي.
ماما موضي: "يلا حبيبتي الحين اقولهم يحطون لنا الغدا بطاولة الطعام انا وياك"
"لا يمه عادي باكل معكم هنا، انا وانتي و عمي"
ابتسمت ماما موضي: "تاكلين مع عمك؟"
"ايه الله يخليك من زمان ماشفته"
ماما موضي: "ايه حبيبتي بس ابوك"
"وشفيه؟"
ماما موضي: "اذا بتاكلين معنا.. لا تعلمينه انك شفتي عمك.."
"ليه؟ اقصد اخوه يعني ليش ما اقوله"
ماما موضي: "بس لاتعلمينه"
"ان شاءالله اللي تبين"
....
*هيا
كان صالح عندنا بالبيت و قاعدين نناظر موڤي انا وياه.
سمعنا صوت احد نازل من الدرج.
سكرنا الموڤي و رحت جلست جمبه اسولف.
جات امي: "ياحلوكم والله، وش اخبارك صالح"
صالح: "الحمدلله بخير خالتي، انتو وشلونكم"
امي: "الحمدلله، تقولي الخدامة انكم ماتبون عشا؟ ليه؟"
"بنروح نتعشى برا حاجزين بمطعم"
ابتسمت امي: "يلا عليكم بالعافية"
"الله يعافيك"
راحت امي و طلعنا انا و صالح.
طبعاً نتعشى بس مو مع بعض،
هو مع مشاعل، و انا انتظره بالسيارة.
"صالح والله انا خايفة يدرون"
صالح: "يدرون شلون مين بيعلمهم"
"مادري بس تعبت وانا امثل عليهم.."
صالح: "يعني انا بيدي شي اسويه وماسويته؟ انا بعد مثلك مجبور"
"بعدين حنا متزوجين.. يعني حرام مايجوز اللي نسويه.."
صالح: "و هم مو حرام اللي يسوونه فينا؟"
"هم بكيفهم الله بيحاسبهم.. بس حنا.."
صالح: "تبين تتخلصين من التمثيل عندي حل، لان انا بعد تعبت"
"وشو"
صالح: "نتزوج، باقرب وقت نتزوج و نفتك نصير مانضطر نمثل قدام احد"
"نتزوج نعيش ببيت واحد قصدك؟"
صالح: "ايه، بلحالنا محد داري وين رحنا وش سوينا مايدرون"
"مدري.."
صالح: "فكري فيها لان بقى كثير الين العرس"
...
*نوف
كنت قاعدة انا و امي و محمد .
طلع نواف من غرفته.
امي: "هلا حبيبي صح النوم"
نواف: " صباح الخير"
"صباح الخير بالعصر؟"
نواف: "ايه بالعصر عندك مانع؟"
حب نواف راس امي.
امي: "اقعد يمه الحين اقولها تجيب لك الغدا"
نواف: "لا لا بروح النادي"
امي: "نادي و انت مو ماكل"
نواف: "ايه مايخالف اكل اذا رجعت الحين مستعجل"
اخذ مفاتيحه و طلع.
امي: "اقول نوف"
"هلا"
امي: "اتركي جوالك بكلمك بموضوع"
"موضوع وشو"
امي: "اتركيه و اقولك"
"هاه تركته وش الموضوع"
امي: "اخوك نواف"
"شفيه"
امي: "ودي نزوجه"
ضحكت: "تزوجينه؟ و من تعيسة الحظ اللي بترضى فيه"
امي: "عيب عليك اخوك الف بنت تتمناه"
"على وشو على نفسه الخايسة؟ ولا دمه الثقيل؟"
امي: "لاتقولين كذا عن اخوك قدام الناس"
"ماقلت بس يمه حرام تزوجينه والله تبتلش البنت"
امي: "اسكتي بس مالك شغل مو انتي اللي بتاخذينه"
"الله يعين اللي بتاخذه انا مارح ادورله مالي شغل"
امي: "لا انا عندي وحدة مابيك تدورين"
"بعد؟ مسكينه الله يعينها"
امي: "وش رايك بريما بنت خالك؟"
"ريما بنت خالي خالد؟؟ مو من جدك يمه صح؟"
امي: "ليه وش فيها ريما"
"مب ريما اللي فيها، ولدك اللي فيه"
امي: "نوف لاعاد اسمعك تقولين كذا عن ولدي والله ازعل عليك"
"حرام تبتلش بولدك المسكينه"
امي: "انتي مالك شغل بس ابيك تجسين نبضها"
"لالا انا طلعيني من الموضوع"
محمد: "انا اجسه يمه بس شلون"
ضحكت امي: "حبيبي انت لا نوف لازم تسألها"
"انا مانيب سائلة احد، محمد يسألها ماتستحي منه ريما عادي"
دق جوال محمد، اخذ الجوال و قام.
..
*محمد
دقت عليّ هيا و قمت الغرفة ارد.
-هلا والله
-هلا محمد وشلونك
-بخير انتي وشلونك
-الحمدلله زينه، جمبك احد؟
-لا
-زين.. قاعدة بلحالي بالسيارة انتظر قلت اسولف معك
-مع صالح؟
-ايه.. نزل يشوف مشاعل وانا انتظره
-الله ياخذه هو و اياها
-استغفرالله
-لاتحكين عنه ممكن؟
-ان شاءالله.. بس انا داقة عليك في موضوع بقولك اياه..
-وشو
-بس اوعدني ماتعصب؟
-اذا له علاقة بالتبن اللي اسمه صالح بعصب
-محمد الله يخليك
-وشو قوليه
-يوم قلتله اني تعبت امثل قدام اهلي و قدام الناس اني زوجته و مستانسين و نحب بعض، قالي فكره
-وشو
-قال نتزوج، علشان نعيش مع بعض بعيد عن الناس، و مانصير نمثل قدام احد
-ماشاءالله فكره زي وجهه
-محمد لو سمحت فكر فيها صدق، بنصير ناخذ راحتنا اكثر مانقعد كذا كل مابغينا نسوي شي نسويه بالسر
-انا رايي مارح يغير شي، فا لاتاخذين رايي..
...
*ريمـا
اليوم الثاني الصبح.
كنت نايمة و دق جوالي
ياسمين .
رديت
-صحيتك؟
-ايه نايمه
-طيب قومي يلا انا جيت
-ياسمين مو وقته لا تستهبلين
-والله جيت توني واصلة بيتنا، قومي تعالي ببجامتك كملي نوم عندي
-اذا قمت اجيك
-تعالي الحين تكفين لحالي
-يلا شوي انام ساعة و اجيك
-قومي ريما يلا صدق
-طيب طيب قمت اصلاً طار النوم
-قلبي انا يلا انتظرك
-ان شاءالله
قمت تحممت و بدلت و رحتلها.
ياسمين: "اشتقتلك"
"انا بعد، شلونك؟"
ياسمين: "الحمدلله زينه، اخذت اجازة يومين و مع الويكند تصير ٤ ايام، ابي استانس فيها"
"ان شاءالله بتستانسين"
ياسمين: "بشوف تركي اليوم" و ابتسمت.
"تشوفينه وين"
ياسمين: "بنتعشى مع بعض"
"تمزحين صح؟ مو قلتو خلاص؟"
ياسمين: "لا مب خلاص بشوفه و بنتفاهم اليوم، علشان كذا انا جاية"
"و عمتي تدري؟"
ياسمين: "لا محد يدري، هم جايين بكره العصر، علشان كذا ابي اشوفه اليوم قبل لايجون"
"عمتي و مين جاي؟"
ياسمين: "يوسف"
"يوسف؟ شلون جا"
ياسمين: "عندهم عطلة الحين"
"اوه.. "
ياسمين: "المهم ودك نطلع غدا انا وياك؟"
"ماتبين نتغدا عند ماما موضي احسن؟"
ياسمين: "خلاص اوكي نتغدا عندها و عقبه نطلع نتقهوى"
"ايه كذا زين.."
ارتبكت مره لما قالت انه يوسف جاي ..
خفت منه، خفت من جيته..
خفت شلون بتعامل معاه الحين؟
بصير حليلة و انسى ولا اقعد معصبة عليه؟
اصلاً شلون بحاكيه عادي وانا كل ماناظرت وجهه بتذكر اسمي المسجل بجواله..
رحنا تغدينا عند ماما موضي عقبه طلعنا،
بالليل قبل لا انام كنت اسولف مع جواهر،
جواهر: "سارة انتي كنتي بأي مدرسة؟"
"** ليه😂" قلت اسم مدرستني الصدقية اللي كنا فيها كلنا.
جواهر: "احلفي؟"
"والله ليه"
جواهر: "اي صف انتي الحين؟"
"ثاني ثانوي"
جواهر: "اكيد سمعتي بالسالفة "
"سالفة وشو"
جواهر: "قبل سنتين ماسمعتي بسالفة بنات بالمدرسة انتشرت صورهم؟"
"لا ليه وش السالفة مين نشرها؟"
جواهر: "لا اجل كنتي متوسط موب نفس القسم مادريتي عن السالفة"
"وش السالفة علميني"
جواهر: "سالفة عادية، المهم تصدقين تذكريني بوحدة كانت صديقتي"
"صدق؟ وش اسمها"
جواهر: "اسمها ريما"
"ليه وش سويت ذكرك فيها؟"
جواهر: "مدري الاسلوب احس نفسه لما تسولفين"
"ريما وشو"
جواهر: "ريما *"
"لا ماعرفها 🙈"
جواهر: "ودي اوريك شلون تتكلم نفسك، بس من زمان ما حاكيتها"
"حاكيها طيب"
جواهر: "لا صايرة سالفة بيننا.."
"متهاوشين يعني؟"
جواهر: "يعني .."
"اوه اوكي "
جواهر: "انتي الحين ورا ماتوريني شكلك 😂"
"ليش اوريك شكلي"
جواهر: "علشان خلاص مو صرنا صديقات؟😂"
"ايه بس شدخل شكلي😳"
جواهر: "شرايك نطلع يوم؟"
"مدري اهلي مايخلوني اطلع اذا مايعرفون البنت"
جواهر: "عرفيهم عليّ أجل 😂"
"ان شاءالله ❤️"
..
